Cha va d’aller!
Bé sia sia qu’cha va d’aller, in pus cha kait bin pasque c’n’ainnée chi, ch’est justemint l’thème du traditionnel cabaret patoisant d’l’Artifoire.
Cha va vraimint faire du bin, d’printe eine beonne trinque dé rire, ch’est vrai qu’pou l’momint tout n’est pan rose dins no pays et in n’a pan l’occasieon d’rire tous les jours !
Dins no cabaret, y’ara binseur des momints d’émotieons, pasqu’y in feaut, des cancheonnes, des textes originaux si vous plaît, des sketches avec des invités estraordinaires, sans oblier no fameux fil rouche! Pou cti chille in n’in sarra beaucop d’pus d’zeur no santé et pétête bin qu’l’hémoglobine keura à fleot!!!!
Dins tous les cas, in vous promet bramint d’plaisi, pasqué d’teoute façeon à l’Artifoire d’Hollain ch’est seur et certain qu’y FAUT Y ALLER!!!!
