El’Cancheonne d’Hollain

El’Cancheonne d’Hollain (L’Hollinienne)


Refrain:

Ah, oui! j’aime bien  d’viv’dins m’pat’lin, ch’tein biau villache,
Ch’t’ein chanç’ que’m’ mère ya eu ses afants à Hollain.
J’eteos à l’fach qué j’comperdéos déjà l’ langache,
j’aveos l’accent avant d’avoir mes prinmièrs dints.

Su l’banc d’l’écol’ j’peuveos apprint beaukeoup d’affaires:
les monumints, les biautés des pays visins,
mais jé m’diséos:
« Ch’n’est pans la pein’, pasqué d’sus tierre,
I n’a rien d’bin, i n’a rien d’fin, si ch’est Hollain! »

Couplet 1:
L’aut’jour, j’ai monté au clotcher, j’ai r’mettié à mes pieds.
L’villach’ teot plein d’solei, j’in sus dev’ nu teout gai.
In déquindant les escayers, j’ai croijé no curé:
Ya pinsé qué j’buveos tell’mint j’canteos…

Couplet 2:
Moutreons fièr’mint à nos afants, l’pièrr’ Brunheaut dins les camps.
Faut vir teous les jaleoux, qu’cell’ pierr’ fait teous parteout.
Napoléon y’in veuleot bin, mais neous in l’ya dit « Brin »:
« Ch’est ein treop bieau cailleau quel’ pierr’ Brunhaut! »

Couplet 3:
Teout p’tit et alfeos sans cain’ ceon, in planqueot du ponton
In alleot là s’laver, l’semmdi ch’ teot pus vit’fet.
Quand in « posseot » tout in nageant, cha d’alleot pus leong qu’ Gand.
Ah, oui, ç’ qu’in êt’ fier, de no rivièr’…

Couplet 4:
Des gins com’neous, si bin foutus, ailleus in n’in veot pus:
Les garcheons seont musclés, les fill’s fort bin roulées ».
Pour moutrer qu’in s’ainm’ bin terteous, in’ s’dit « ti » mais pas « veous »
Ah, ç’qu’in peut êt’ contint, d’êt Hollinien…

Couplet 5:
A Hollain, y’a pus d’sociétés, qué d’cainnards dins l’marés.
Dus ch’qui seont l’pus comiqu’s, ch’ t’acor à l’dramatique.
Tant qu’ya des seots pou v’nir jeuer, i d’a pou l’zermettier;
Quand ché pou’ boir’ ein’ pint’ i s’met’ in binte…

Couplet 6:
Et si veous veyez teout in noir, v’nez vir au cercle Espoir:
Les pus bell’s feimmes d’Hollain, et d’zheommes qui parl’te bin
Quand y beot’ te beaukeoup d’ démis, y seont pus dégourdis.
Claquez fort dins vos mains y s’reont contints…