Expo photos de l’Artifoire – photo #8
Les Pensionnés – Cette fois, place à nos aînés, à leurs Amicales et à la bonne entente qui les a toujours réunies.
Expo photos de l’Artifoire – photo #9
Pensionnés ensemble pour l’plurach d’pen’tières. Voilà un peu de grain à moudre ou plutôt… des patates à plurer! Une belle ouverture d’esprit, caractéristique du village d’Hollain.
« Quand ch’est pou faire la fiète, i s’mettent tertous insemb’! » Qui reconnaissez-vous?
Mais aussi:
« Les Plureux patates » – Texte de Didier Delrue, écrit en novembre 2013 et dit en public lors du cabaret 2014.
Il y a plus de trente ans, voilà ce qu’on pouvait entendre quelques jours avant l’Artifoire,
dans la cour d’Albert Renard ou sous le chapiteau de la place verte :
Ch’est queu jour l’plurache ?
Ch’t’à queul heure qui feot v’nir ?
T’prindras ein p’tit coutieau pou mi
Ein qui cope felmint bin, surtout !
T’pinse qu’ins’ra eine masse ?
Print toudis eine bassine aussi
Pas ceulle avec ein treo … Y n’a d’jà pas trop d’ieau d’su plache !
In va mette eus nécourchwé obin in s’ra plein d’aréoles toutes blanques.
Ed d’jà qu’cha taque les godilleots !
Là in y est. Ch’est veil’le deul fiète.
Huit plureux … Ch’nest d’jà pas si mal.
Combin qui a d’kileos ? 350 !!! ah hé, in n’a pas fini !!!
In reond, autour du meont d’patates
Ch’n’est pas des onions mais in bréreot quand même !
Infin ch’est plaisi quand même.
In raceonte des carabistouilles ed’z’eautes.
Pas des treop grosses éplégnures, hein !
J’sais bin qu’tas des pourcheots mais quand même …
Faut pas pousser bonbonne !
Tant qu’ti est, ed’ t’pourreot aussi bin les équarir à l’hapiette !!!
L’paisir, quand t’in a pluré eine belle grosse, ch’est d’eul ruer dins l’ieau d’eul cuvelle
Millard Polyte, ch’est tout belle é-éspitures !
Et qu’ter cheot des belles é-réprimintes des finmes en face de ti
ou alors … ter cheot des épleingnures al l’tiète !
Les penn’tières, i n’seont pas toutes parèlles.
Y a des guénèques, cha dure pu longmint …
L’ceuse qu i z’a trieé, i n’aveot pas l’compas din l’oueil !
Ah, in n’les a pas payées.
Ouais, j’vas clore m’biec !!!
Y a ote quose à faire ? Neon ?
Ah si … coper les pen’tères à l’machine à main et mette les frites dins l’baignore in galva !
Normal … à s’temps-là, in parleot pas core d’AFSCA !!!
V’là achteur, ce qu’in intind au 21 ème sièke …
Ch’est queu jour l’arrivach, dis meu ?
Ch’t à queule heure qui vient l’livreu ?
Ah, eul jour-même ? Du matin alors, pas trop timpe, hein !!
Un seul bonheomme pour l’ermiser.
I nous live à l’palette et i n’a qu’à les impiler dins l’frigo !
Pu d’médissance ed’sul eotes, pu d’crampes à tes deogts
Et pu d’jeu d’ieau.
T’mets les sacs tot faits in ein tas.
